هاني مهنا: "في فرح هنادي اتفاجئت بحسن الرداد وياسر جلال بيقولولي نفسنا نتصور مع جمال وعلاء مبارك"

أكد الموسيقار هاني مهنا حب الناس لكل من جمال وعلاء مبارك، واستشهد على ذلك بموقف حدث معهم، أثناء تواجدهم في حفل زفاف ابنته "هنادي".

وذكر هاني مهنا خلال ندوته بمقر "القاهرة 24" تفاصيل الموقف الذي يؤكد حب الجمهور لجمال وعلاء مبارك، وقال: "الناس كلهم في الفرح كانوا عايزين يتصوروا معاهم، حتى حسن الرداد وياسر جلال جم قالولي والنبي عايزين نتصور معاهم، وفي أي عزاء، بلاقي الناس تسيب كل حاجة، وتجري تتصور معاهم، ولذلك حب الناس ليهم رباني، وليس تملقا".

وعن بداية تعارفه عليهم قال: "طبعا مازلنا على تواصل بعد فترة السجن، وعزمتهم على فرح هنادي وبالفعل حضروا بالرغم من إنهم مبيخرجوش علشان الوالدة، لإن سنها كبير وممكن أي عدوى تروح فيها، وبالرغم من كده جمال مبارك استأذني أجي بالماسك، وطبعا وافقت، ولكن المضحك إنهم في البداية مكانوش صحابي أصلا، واتعرفنا على بعض في السجن، وبعدها بقينا نتواصل مع بعض بالتليفونات ونطمن على بعض".