باسم يوسف بعد تناوله "فاكسين": "عندي وجع خفيف في عضلات الرقبة.. وبالوسوسة خُفت تكون كورونا"

كشف الإعلامي باسم يوسف تطورات حالته الصحية، بعد تناوله للقاح "الفاكسين"، المضاد لفيروس كورونا المستجد، معربا عن شعوره ببعض الأعراض والوهم فور تناوله.

وكتب باسم يوسف عبر حسابه الشخصي بموقع التواصل الاجتماعي "فيس بوك"، وقال: "تطورات ما بعد الفاكسين، بعد الفاكسين على طول كان فيه وجع خفيف، مكان الحقن راح بعد يوم، إمبارح و بعد 48 ساعة، حسيت بوجع عضلات وصداع ورعشة خفيفة وإحساس، إن فيه حرارة".

وتابع: "لما قاعدت الحرارة كانت 37.5، أسخف إحساس كان وجع العضلات والهمدان، طبعا بالوسوسة اللي إحنا فيها بنخاف، إن دي تكون كوفيد، فلغيت كل المواعيد وأخذت بنادول ونمت، الصبح أحسن بكتير، الحاجة الوحيدة اللي فاضلة، هي وجع خفيف جدًا في عضلات الرقبة بس أحسن من إمبارح، غير كده صاحي أحسن، أنا كنت قريت أصلا إن دي علامات إن الجهاز المناعي، بيشتغل عشان يصنع مضادات الفيروس وعادة بيبقى الإحساس ده 48 ساعة بعد الفاكسين، حتى الآن كله كويس".