عبير صبري: "زوجي لم يطلب مني الاعتزال ومعجب جدا بدوري في خيانة عهد"

يمنى شريف

السبت 09/يناير/2021 - 11:58 م

قالت الفنانة عبير صبرى، إن أختها الإعلامية مروة صبرى لا تصلح للتمثيل لأنها عصبية ومتشددة جدا بآرائها، حيث علقت: "مش بتسمع لحد وكنا كل يوم هنجيبها من القسم وهي إعلامية شاطرة ومميزة".

وأضافت عبير صبرى، خلال لقاءها مع الإعلامى دكتورعمرو الليثى ببرنامجه "واحد من الناس" على شاشة "الحياة" تعليقاً على صورة زوجها أيمن البياع: "أنا بترعب من زوجى دكتور إيمن البياع المحامي لأنه عصبى جدا لكنه حنين أوى، وهو شخصية مسيطرة جدا في البيت، وأنا من النوع اللى بقول حاضر ونعم في البيت".

وتابعت عبير صبري: "من قبل الزواج، رسمت خطوط حمراء لأدواري التى أقوم بيها، وأيمن زوجي لم يطلب منى الاعتزال وبيشجعنى وفخور بأعمالى، وكان بيقولى لو أنا عرفتك بعد مسلسل خيانة عهد مكنتش اتجوزتك أنت أبدعتى في الدور جدا".

وأما عن كونها ممثلة إغراء، قالت صبري: "التصنيف الفني في مصر للممثلة الحلوة، أو فيها أنوثة أو جاذبية، بيقولوا على أدوارها أنها إغراء، الممثلة اللي بيشوفها كده جذابة مبيشوفهاش إغراء، في الفترة دي بقت تهمة، لما كنا صغيرين كنا بنشوف نجلاء فتحي وفيروز كانوا بيقدموا أدوار فيها جراءة ومحدش اتكلم معاهم".