عبير صبري: "لما أوصل لمرحلة أني أشد وشي هعمل عملية تجميل"
نفت الفنانة عبير صبري، خضوعها لأي عمليات تجميل، وذلك ردًا على اتهامات الجمهور لها، مشيرة إلى أنها مازالت طبيعية حتى الآن.
وتابعت الفنانة خلال لقائها مع الإعلامي عمرو الليثي ببرنامج "واحد من الناس" على شاشة "الحياة": "هعمل عملية تجميل لما أوصل لمرحلة أني أشد وشي، يبقى كده هعمل عملية التجميل".
وتابعت الممثلة إن الجمهور هو من وضعها بخانة المثيرة للجدل، وذلك من بداية ظهورها في الأعمال الفنية، مشيرة إلى أن كلمة "الإغراء" التي تطلق على الفنانات أصبحت تهمة الآن.
وأضافت: "الجمهور اللي حطني في خانة المثيرة للجدل، مش عارفة ليه، اختياراتي الفنية بختار أحسن اللي بيتعرض عليا، مش شرط يكون اللي أنا عيزاه، ممكن يكون عندي طموحات أعلى من اللي بيتعرض عليا، وأنا بختار أحسنهم".
وتابعت: "مشاهد الإثارة اللي عملتها في بداية حياتي حققت نجاح، الممثل في البداية بيعتمد على حاجات كتير، بيبقى بيعتمد على شكلك مثلا أو أدوار مثيرة للجدل، وطبعًا بتنجح لأن الناس بتبص على ده، ولكن بعد كده الناس بتشوف الموهبة الحقيقية المكملة".
وأما عن كونها ممثلة إغراء، قالت صبري: "التصنيف الفني في مصر للممثلة الحلوة، أو فيها أنوثة أو جاذبية، بيقولوا على أدوارها أنها إغراء، الممثلة اللي بيشوفها كده جذابة مبيشوفهاش إغراء، في الفترة دي بقت تهمة، لما كنا صغيرين كنا بنشوف نجلاء فتحي، فيروز كانوا بيقدموا أدوار فيها جراءة ومحدش اتكلم معاهم".
عبير صبري: الجمهور حطني في خانة "المثيرة للجدل".. ولقب ممثلة "إغراء" أصبح تهمة
