تامر حسين يكشف تفاصيل أزمة صبري والشافعي: "ليه بنحب نقحم اسم عمرو دياب في جملة مفيدة"
حرص الشاعر الغنائي تامر حسين، على توجيه بعض النصائح للمطرب رامي صبري، بعدما أصدر بيانًا يُعلن من خلاله وقف التعاون مع المحلن عزيز الشافعي، الذي باع أغنيته "شكرا" إلى النجم عمرو دياب.
وكتب حسين على صفحته الرسمية بـ"فيس بوك": "ردًا على شكرًا والمُهاترات اللى بسمعها أولاً ليه بنجيب وبنقحم دايماً اسم ( عمرو دياب) فى جُملة مفيدة ؟ إيه الغرض ؟ ثانيًا.. توقيت البوست 
لما الأغنية انتشرت وكسرت الدنيا بالتفاعل وإقبال الناس عليها والإشادة بيها يعنى ليه الكلام ده مكنش فى أول يوم مثلاً؟ ده لو فعلاً الكلام على حق ثالثاً.. اللي اتعلمته ومن أدبيات المهنه ولازم الناس كلها تفهمه فكرة الذوقيات يعنى إيه ؟ يعنى نبارك لبعض نهنى بعض مش نتهم الناس فى عز نجاحهم بالباطل لما أي مُطرب في الدنيا بتعجبه أغنية المؤلف والملحن بيعملوا (تنازل عن حقوق الاستغلال) للمطرب طالما ماحصلتش الخطوة دى من زمان تبقى الأغنية ملك الشاعر والملحن لحين اختيار الأفضل".
ردا ً على شكراً والمُهاترات اللى بسمعها أولاً ليه بنجيب وبنقحم دايماً أسم ( عمرو دياب) فى جُملة مفيدة ؟ ايه الغرض ؟...
Posted by TAMER HUSSIEN on Wednesday, January 6, 2021
وتابع: "وارد جدًا تسمع مطرب زميل أغنية من سنة سنتين ولضعف الرؤية الفنية مايتخيلش نجاحها ده اللى بيفرق مطرب عن مُطرب ف سُرعة اتخاذ القرار أنا شايف أن فى تجنى على حق المُلحن عزيز الشافعى أدبيًا ومعنوياً دى شهادة حق ومش شايف تماماً أي داعي يسمح بالكلام والصراعات دي وللمرة المليون الناس المُحترمة ما تعلنش مشاكلها فى العلن عيب فى خصوصيات مايصحش ندخل الجمهور فيها ونتهم ناس محترمة بالباطل أكيد مش هنزل فويس نوت نستشهِد بيها وإحنا (أصحاب الحق) وربنا يهدي".
واستكمل: "وأخيرًا ياما ناس سمعت أغانى من سنة وسنتين ومكنش ليهم نصيب فيها ماعملهوش اللى بيتعمل ده لما الأغنية تنجح 
بالعكس فرحوا واتمنوا انها ياريت لو كت أغنيتهم بكل حُب وتقدير وروح حلوة وده بوست بكُل حُب والله عشان معنديش كلام يتقال تانى وندي الموضوع أكبر من حجمه هو نجاح للأغنية وشهرة أكتر بس مش حابب الطريقة دي".
رامي صبري يتهم عزيز الشافعي بخيانة الأمانة للمرة الثانية بعد بيعه أغنية خاصة به للهضبة (بيان)
عزيز الشافعي ردًا على رامي صبري: "شكرًا لاستجابته وأنا من طلب وقف التعامل أولًا"
