"الدنيا مش بتهنيني على فرحة وبتحول لما بمسك المايك".. أبرز تصريحات بوسي مع إنجي علي
حلت المطربة الشعبية بوسي، ضيفة ببرنامج "أسرار النجوم"، للمذيعة إنجي علي عبر إذاعة وقناة نجوم F.M، أمس، وكشفت العديد من الأسرار حول حياتها الشخصية والصعوبات التي مرت بها خلال مشوارها الفني، بجانب الحديث عن عائلتها ووالدتها ونجلها.
وفي ذلك التقرير نستعرض أبرز تصريحات بوسي مع إنجي علي:
- الدنيا مرمطتني ومين فينا الدنيا معملتش معاه أي لقطة.
- بدي الدنيا ظهري لما الموضوع بيزيد عن حده.
- بحاول أبعد عن أي حاجة تعكنن علي وأنا متعكنن عليّ بما فيه الكفاية.
- الدنيا مش بتهنيني على فرحة.
- أنا بحلم من أول ما بدأت أكون في منطقة معينة، وكل ما بحاول أصل لها يطلع ناس يبوظولي اللي بعمله.
- لو مش مشاكلي كان زماني في منطقة تانية بشغلي، ومشاكلي عطلتني.
- أنا بتحول أول ما بمسك المايك.
- لحد دلوقتي أنا اللي غلبت الدنيا.
- مقدرش أعيش من غير ناس، ولكن في نفس الوقت فيه ناس البعد عنهم غنيمة.
- أنا طيبة زيادة عن اللزوم وتلقائية واتضحك علي وبقيت بأخذ جنب.
- اللي خذلوني كثير وأقربهم من دمي، وربنا هو أكيد اللي له فضل فيما وصلت له ومفيش حد غيره.
- أي حاجة سلبية بحاول أرميها على جنب.
- التكنولوجيا أضرت بالفنانين بالطبع وجعلت الموضوع سهلا لأي حد يطلع يغني على اليوتيوب.
- دلوقتي المنتج بيلطم، ومبقيناش نعرف هل الأغنية نجحت ولا لا.
- أعشق حكيم وأتمنى أن أصل لما وصل إليه من عالمية بالأغنية الشعبية.
بوسي تشعل حفل الكريسماس على مسرح جامعة مصر للعلوم والتكنولوجيا (صور)
وسط إجراءات احترازية.. مسرح جامعة مصر للعلوم والتكنولوجيا يستعد لحفل المطربة بوسي الخميس المقبل
