والد الطفل صاحب فيديو "بسنت سابتني وراحت لياسين": "الواد رومانسي وبيحب بجد "

ضجت مواقع التواصل الاجتماعي مؤخرًا، بعدد من الفيديوهات، لطفل يدعى "محمد" ويبلغ من العمر 6 سنوات، وحكى من خلالها عن تعرضه للخيانة من طفلة تدعى "بسنت"، بعد أن أحبت وتقربت من طفل آخر يدعى "ياسين"، بعد أن خطفها منه على حد قوله.

وتواصل "القاهرة 24" مع والد الطفل، وهو المطرب حسام الشرقاوي، وتحدث عن نجله "محمد"، وقال عنه: "محمد لما اتولد، فضل سنة ونص مش بيضحك، وعدى سنة ونص ومحمد قافش، وحاليا بيدرس في أحسن مدارس".

ورد "الشرقاوي" على الاتهامات التي وجهت إليه، حول إهماله لنجله واستغلاله له، من أجل كسب "التريند"، وتحقيق الشهرة، وقال: "لو أنا كنت قاصد أعمل التريند، مكانش ربنا هيوفقني، ولو التريند في إيد البني آدم، كنت كل يوم صنعت تريند".

وتحدث عن قصة الحب التي تربط ابنه بالفتاة التي تدعى "بسنت"، وقال: "هو الولد شاف البنت وبقى يقول كلام مش قد سنه، وقصة حبه حقيقية، من طفل مش فاهم حاجة، والواد عاطفي وبيحب بجد ورومانسي، ده لما كان يشوف (ياسين) مع بسنت، كان ييجي يقولي بسنت بتخوني، وهو ميعرفش يعني إيه خيانة، ولكن هو بيسجل كل اللي بيسمعه وبيشوفه".

أما عن ما يوجه له من اتهامات بفبركة الفيديوهات الخاصة بنجله، قال: "لو أنا قاصد، مكنتش جبت ابني يظهرمبهدل كدة، ولو أنا محفظه، كنت جبت عيال تانية وحفظتهم وعملت كل يوم فيديو شكل، وأنا ابني من صغره مثقف وبتاع قراية وكتابة".

هند حسني طفلة “هالة حبيبتي” توضح سبب اختفائها وشعورها بعد انتشار لقائها مع مفيد فوزي (حوار)