ريهام سعيد: “لما بتوقف عن شغلي بتبقى أحلى أيام”

أعربت الإعلامية ريها سعيد، عن استيائها من الجمهور الذي انتقدها، بعد عرض حلقة “صيد الثعالب”، ببرنامجها “صبايا الخير”.

وقالت “سعيد” في بث مباشر على صفحتها بـ”فيس بوك”: “مش هفضل كل مرة كده لمجرد إني بعمل كده، مش ممكن هاشتاج ممول ومنظم بهذه الطريقة، يطلع عشان اصطادنا ثعلب، أنا مشفقة عليكم والله، وربنا يديني على قد نيتي، لما بتوقف عن شغلي بيبقى أحلى أيام حياتي”.

وتابعت: “أنا بحضر فيديو أرد بيه بجد، ولما تليفزيون النهار شال الحلقة كان عشان متتحرفش، ومحدش ياخد منها أجزاء ويركبوها على بعض، ثانيًا لو منظر التعلب والحديدة قافلة على رجله متعب، أنا مبنزلوش عشان حاجة، أنا لقيت إن من الحاجات المرعبة بتحصل، إن أنت بتبقى بتشتغل وحاطط مصير عيلته وأولاده وكاريره في إيد لجان إلكترونية”.

واستكملت: “ملقتش حد يعلق أو زعلان أو أي حاجة، كل اللي بيتكلم على الحلقة مشفهاش، كل ما أسأل حد يقولي مشفهاش وبيهاجم وخلاص، الناس فاهمة إن إحنا روحنا اصطادنا ثعلب وقتلناه وفضلنا نصوره وهو بيطلع في الروح قدام الكاميرا، يا سلام والله، أكيد ده محصلش ولو حصل، يبقى أطلع على مستشفى المجانين، أنا لسة صاحية عشان قاعدة طول الليل بظبط في الفيديوهات عشان أوضح الحقيقة”.

ريهام سعيد: “الناس مفكرة إننا اصطادنا الثعلب وقتلناه.. لو كدة يبقى أطلع على مستشفى المجانين” (فيديو)

ريهام سعيد لمنتقديها: “عرفتوا منين إن رجل الثعلب اتكسرت؟.. عملتوا أشعة؟!”