تسول طفل يتحدث الإنجليزية بمصر الجديدة يثير الشكوك.. ومستخدمو السوشيال ميديا: “انقذوه ده مخطوف” (صور)
تداول رواد مواقع التواصل الاجتماعي، عددًا من الصور لطفل يتسول بأحد شوارع مصر الجديدة، ويطلب من المارة المساعدة.
فيما قال أحدهم على موقع “فيس بوك”، إن مظهر الطفل و أسلوبه لا يدلان على أنه متسول على الإطلاق، كذلك طريقة كلامه.
وتوقع أنه قد يكون الطفل مخطوفًا أو تائهًا ولا يعرف طريق العودة إلى منزله.
وأوضح: “النهاردة أنا كنت واقف عند أشرف فرغلي في شارع السبأ مصر الجديدة، جالي الولد دا عند العربية و قالي ممكن خمسة جنيه اجيب (sandwich) و قالها بالإنجليزي أكنه في مدرسة لغات بالظبط، شكله و أسلوبه و منظره لا يدل خالص أنه متسول، هو قالي إن هو مع باباه و قالي اسمه آدم بس مش متأكدة إنه بيقول الحقيقة”.
وأضافت:” لأني في الأخر لقيته مع واحدة متسولة على الرصيف و لما حس إني بصوره خاف فيارب لو هو إبن حد و مخطوف أو تايه يلاقيه، أنا قلت أعمل اللي عليا لأن قلبي مش مطمن و يمكن أساعد في أي حاجة و يرجع لأهله يارب لو هو مفقود فعلًا جماعة الولد ده من المدرسة يمكن حد يعرفه.. اللوجو بتاع مدرسه The English School E.S.C وباين جدًا إنه مخطوف”.
