أحمد كامل: “بقالي فترة مليش نفس أغني.. وبقيت شِبه مكتئب” (صورة)

كشف المطرب أحمد كامل عن حالته النفسية خلال الفترة الماضية، خاصة في ظل ظروف كورونا، حتى إنه وصل لمرحلة الاكتئاب.

وكتب أحمد كامل، عبر خاصية “الاستوري” بحسابه على “انستجرام”: “بقالي فترة طويلة جدا مليش نفس أغني، وبعمل أغاني بسمعها لوحدي، حالة عمري ما وصلتلها، ومفيش بني آدم واخد باله من اللي أنا فيه، شبه مكتئب، بس من ناحية كام حاجة، وبقيت بحس إن الأغاني شغل وبس، وبدأت أفقد الشغف تجاه الشيء الوحيد اللي حبيته من كل قلبي، ومستنتش منه يحبني، بس هو حبني وبعتكم ليا”.

وأضاف: “كل اللي عايز أقوله من الكلمتين دول، إن الفترة دي خلصت، ورجعت زي ما أنا وأحسن، أحمد كامل رجع أقوى 100 مرة، مختلف تماما، والفترة دي مع قعدتي في البيت علشان الكورونا؛ علمتني اللي الدنيا كانت هتعلمهولي في 10 سنين قدام، جوايا غضب والله العظيم عمره ما كان جوايا، غضب إيجابي تجاه كل حاجة، مخليني عايز أكسر الدنيا بحالها، وأقول للكون كله، ده أنا، اللهم لك الحمد والشكر على أي نعمة رزقتني بيها، ويارب يا كريم في اللي جاي، اجهزوا”.

أحمد كامل يروي معاناته قبل الزواج: “دول سنين تعب ومجهود.. وبشكر المشاكل والتربية والقدر” (صورة)

“خلى نص الشعب يفركش وراح اتجوز هو”.. تعليقات الجمهور على حفل زفاف أحمد كامل (صور)